(Ռատիօ Վատիկան) Սուրբ Աթոռի մամլոյ գրասենեակի ընդհանուր տնօրէն` Հայր Ֆետերիքօ Լոմպարտի, հինգշաբթի 19 նոյեմբերին, մամուլին ներկայացնելով Ֆրանչիսկոս Սրբազան Քահանայապետին Ափրիկեան ցամաքամաս կատարելիք յառաջիկայ առաքելական ճամբորդութիւնը 25 – 30 նոյեմբեր 2015-ին, ընդգծեց ճամբորդութեան կարեւոր կէտերը` խաղաղութիւն, միջկրօնական երկխօսութիւն եւ քրիստոնեայ նահատակներու վկայութիւնը, ապա հաստատեց թէ Ֆրանչիսկոս Պապ կեդրոնական Ափրիկէն կ՛այցելէ որպէս խաղաղութեան պատգամաւոր։
Ֆրանչիսկոս Պապին Քահանայապետական այս 11-րդ ճամբորդութիւնը կը հանդիսանայ առաջինը կատարուած Ափրիկեան ցամաքամասին որուն ընթացքին Սրբազան Հայրը պիտի այցելէ երեք երկիրներ` Քենիա, Ուկանտա եւ Կեդրոնական Ափրիկէ։
Հակառակ Կեդրոնական Ափրիկէի մէջ տիրող քաղաքական անկայուն իրավիճակին Հայր Լոմպարտի հաստատեց թէ առաքելական ճամբորդութեան յայտագիրը, առ այժմ, ոչ մէկ փոփոխութեան ենթարկուած է։
Սրբազան Հայրը իր այս առաքելական ճամբորդութեան ընթացքին պիտի արտասանէ 19 ճար` 14 իտալերէնով երկուքը անգլերէն, երկուքը սպաներէն եւ մէկը ֆրանսերէնով։
Վատիկանի Պետական Քարտուղար Կարդինալ Փիեթրօ Փարոլին` Ֆրանչիսկոս Պապին առաքելական ճամբորդութեան պիտի ընկերանայ Քենիա եւ Ուկնատա բայց ոչ Կեդրոնական Ափրիկէ որովհետեւ նոյն օրերուն պիտի մեկնի Փարիզ` մասնակցելու եւ Սուրբ Աթոռը ներկայացնելու Փարիզի Կլիմայի մասին գումարուած Վեհաժողովին։
All the contents on this site are copyrighted ©. |